वयस्कर झाड

जिथल्या उन्हात तुझी सावली आहे

तिथले वयस्कर झाड

अजून माझ्या अंगणात आहे!

-शिवकन्या.

कळीकाळ कधी न होवो!

त्या गर्द हिरव्या पानांचा
पाचोळा कधी न होवो!
बसलो होतो कधी सुखाने,
त्या गर्द निळ्या क्षणांचा 
कळीकाळ कधी न होवो!
- शिवकन्या.

दोन बेडकांनी ठरवले,

दोन बेडकांनी ठरवले,
आपण उड्या मारायच्या नाहीत
डराव डराव पण करायचे नाही
बघू, कसं चालतं हे डबकं!

ते ऐकून डबक्यावरचे डास हसले
मनापासून गुणगुणू लागले
म्हणू लागले, बरं झालं
आता आम्ही डबकं चालवायला घेऊ!

- शिवकन्या.